Ole Asbjørn Ness: – Venstresida er eit ekkokammer
PODKAST: Ole Asbjørn Ness er lei av å bli oppfatta som ein bråkmakar. No er den politiske podkasten hans blitt ein av Noregs mest populære.
HØGREVRIDD PODKAST: – Der Nettavisen legg seg til høgre for VG, legg iNyheter seg til høgre for Nettavisen. Ideen er å gi eit bilete av nyhenda med vri mot høgre, seier Ole Asbjørn Ness, featureredaktør i iNyheter og vert for den populære politiske podkasten Ness.
Sindre Deschington
– Det er jo forfattar eg eigentleg er, seier Ole Asbjørn Ness.
Før jul blei podkasten hans, Ness, kåra til Noregs beste. Det var den borgarlege avisa Minerva som stod for kåringa. Ness gir ut podkasten sin på den nye plattforma til Helge Lurås, som gjekk frå Resett til å starte opp iNyheter.
Vi er med andre ord eit godt stykke ute på høgresida. Ei høgreside som ifølgje Bjørgulv Braanen i Klassekampen ligg fleire hestehovud framfor venstresida når det kjem til podkastar.
