Kanye West skal halde gudsteneste på Coachella
Påskemorgon klokka 9 får amerikanske festivaldeltakarar sjansen til å prise Herren saman med den verdskjende rapparen. Norsk teolog og hiphop-entusiast skulle ønskje han var der sjølv.
Den verdskjende rapparen Kanye West skal halde gudsteneste under Coachella-festivalen i USA.
Matt Sayles
– Eg er spent på korleis gudstenesta artar seg og håpar det lar seg gjere å strøyme ho i Norge, seier Carl Petter Opsahl, teolog ved Menighetsfakultetet i Oslo.
Ei rekke videoklipp av noko som liknar eit vekkingsmøte har florert på internett dei siste månadane og fått kjendispressa til å klø seg i hovudet. «This is the day that the Lord has made» syng koret medan Kanye West styrer samplemaskinen og smilar breitt. Dottera, North West (6), dansar med venene sine til dei gospelfiserte superhitane til faren i grøne omgivnadar i California.
Kjendismøte
