Jon Fosse nominert til amerikansk prestisjepris
Jon Fosse er å finne blant dei ti nominerte til den prestisjetunge, amerikanske prisen National Book Award.
FOSSE: Ny prissjanse for Jon Fosse, her då han var på kortlista til årets Bookerpris i vår i London. No er det American Book Awards han er nominert til for «A New Name: Septology VI-VII».
David Cliff/NPK
Det er i kategorien for omsett skjønnlitteratur at tredje bind av «Septologien VI-VII: Det nye namnet» er nominert på langlista.
Fosses roman vart lansert i USA i fjor under tittelen «A New Name», omsett av Damion Searls, melder Samlaget. Finalistar blir utropte i oktober, før vinnaren blir kunngjord 16. november.
Jon Fosse er nominert saman med mellom anna danske Olga Ravn for «The Employees», «Ibn Arabi’s Small Death» av Mohammed Hasan Alwan, Olga Tokarczuks «The Books of Jacob» og Yoko Tawadas «Scattered All Over the Earth», melder The New Yorker.
