– Dostojevskij ville ha vald Kristus framfor sanninga
LITTERATUR: Den svenske pastoren Jan Erixon har studert Dostojevskijs bøker i meir enn tretti år. Til Lia gård har han med seg ei fersk bok om kvifor den russiske forfattaren valde Kristus.
RUSSISK KLASSIKAR: Fjodor Mikhajlovitsj Dostojevskij har skrive fleire av dei største verka i verdslitteraturen. Jan Erixon er aktuell med ei bok om dei kristne trådane hos den klassiske forfattaren.
Vasily Perov/Wikimedia commons
– Eg har arbeidd med Fjodor Dostojevskij mesteparten av livet mitt. Han har utan tvil påverka måten min å tenke på, seier Jan Erixon.
Den svenske pastoren og evangelisten kjem til Lia gård i slutten av august for å snakke om kvifor den russiske forfattaren alltid ville ha vald Kristus – også om han skulle bli overtydd om at Kristus ikkje representerer sanninga. I bagasjen har Erixon med seg den svenske boka Därför väljer jag Kristus, nyleg gitt ut på Libris bokförlag.
– I kva grad var Dostojevskij ein kristen forfattar?
