Ny artikkelsamling frå Dag Solstad kastar nytt lys over forfattarskapet
Dag Solstads nye samling artiklar inneheld likt og ulikt om litteratur – og forfattaren sjølv. Gullet veg tyngre enn gråsteinen.
SOLSTAD OM SEG SELV OG ANDRE: Dag Solstad (80) er ute med sin sjette, men ikkje siste, artikkelsamling, skal vi tru forfattaren sjølv. Tekstane som kastar lys over den unge Solstads veg mot å bli forfattar er dei aller mest interessante, meiner vår meldar.
Baard Henriksen/Oktober
Dag Solstad er ein institusjon i seg sjølv i den norske litterære røynda. Få blir som han gjenstand for beundring, forarging, mytologisering og misunning. Kva er det Dag Solstad har som ikkje andre har?
Forfattaren som nyleg fylte 80 år, har eit forfattarskap som spenner over sju tiår, frå debuten med novellesamlinga Spiraler i 1965 og fram til Artikler om litteratur 2015–2021, som kom ut denne veka. Det eksistensielle – og samtidig lett komiske – utanforskapet spelar ei rolle i mange av bøkene, ikkje minst i romanane om Bjørn Hansen, mannen som av fri vilje set seg i rullestol og blir sittande der. Den litterære outsiderposisjonen kan synest å vere nært av ei liknande sjølvforståing hjå Solstad. At den feira forfattaren reknar seg som ein outsider, kjem fram i den nye boka hans.
Dette er i seg sjølv interessant, ettersom Solstad i dag står i sentrum for den litterære interessa i Noreg, og i tillegg – på sine eldre dagar – har slått igjennom internasjonalt. Nyleg gav forlaget hans ut eit festskrift for å ære han på 80-årsdagen.
Bestill abonnement her
KJØP
