Harry Potter for retten

Forfattaren av Harry-Potter-bøkene kjempar i retten ikkje mot ei vond ånd, men mot ein av sine største tilhengjarar – ein tidlegare bibliotekar frå Michigan i USA. Han heiter Steven Vander Ark.

Han vil gje ut eit leksikon om Harry Potter. Rowling hevdar at heile leksikonet kviler på arbeidet hennar og at eks-bibliotekaren ikkje har lov til å gje ut leksikonet og tene pengar på eit slikt verk.

Leksikonet er ei vidareføring av ei kjend nettside som Vander Ark har laga lenge og som også Rowling har likt godt. Ho har til og med sagt at det har hendt at ho under skrivinga har gått inn på ein nettkafe for å sjekke eit fakta på nettsida til Vander Ark, framfor å kjøpe eit eksemplar av si eiga bok.