Super-Jonas er gjenoppstått
Den største forvandlinga i nyare norsk politisk historie handlar nok meir om tilbakekomsten av ein gamal kjenning, enn om Jens Stoltenberg.
SLAGKRAFTIG: Den vitale, vittige og slagkraftige Støre som stod på scena, gjorde det nesten vanskeleg å tru at den bleike og slitne versjonen vi såg i desember i fjor, var same mann, skriv kommentator Emil André Erstad.
Synne Folstad Moen
MGP-bandet Keiino opna Ap-landsmøtet, på eit ekstatisk vis som kanskje skildra den indre stemninga i mange av sosialdemokratane i salen. I songen Spirit in the Sky song dei verselinja «cause I’ve been running with the demons now». Slik det heller ikkje har mangla på indre og ytre demonar for Arbeidarpartiet dei siste åra.
Men, som Tom Hugo, Fred Buljo og Alexandra Rotan, song inn i mikrofonane: «I need my hero, I need my light». Dei siste fire åra har Arbeidarpartiet mangla både heltar og lys. Så kom den viktigaste våren i stortingsperioden. Partiet har den siste tida fått fleire nye heltar. Eit heilt korps av statssekretærar, politiske rådgjevarar og eit knippe nye statsrådar.
Landsmøtet lo av Støre
