Høgre heng fast i hengemyra
Trass i at Erna Solbergs folk gjer mange desperate forsøk på å snu trenden, viser ferske tal at alarmen bør gå i Høgres hus.
ENDRINGAR: Høgres eplekjekke slagord om å ikkje ha noko slagord er eksempel på ein strategi som må ha vore klekka ut i ei tid då partiet hadde betre målingar og meir sjølvtillit, skriv kommentator Emil André Erstad.
Synne Folstad Moen
Det manglar ikkje på høgrefolk i sentralt plasserte posisjonar som er villige til å fortelle deg sine ærlege, oppriktige syn på stoda i partiet – så lenge dei er langt unna mikrofonar og sitatsjekkar. Fleire av dei meiner partiet rett og slett har bomma på strategien, slik Arbeidarpartiet gjorde før stortingsvalet i 2017.
Arbeidarpartiets feilvurdering
Den gongen førebudde Støre heile valkampen på at landet hadde veksande arbeidsløyse og problem med økonomien. Då sommaren kom blomstra det i norsk næringsliv, og tusenvis fekk jobb. Arbeidarpartiets talepunkt var utdaterte før dei var tatt i bruk.
