Dødsskrika vi ikkje vil høyre
Det er grunn til å spørje om dei fleste av oss gjentar feilen som kommandantfamilien i Auschwitz gjorde seg skuldige i.
MUREN: Filmen The Zone of Interest får oss til å reflektere. Kva dødsskrik er det vi ignorerer frå murane mellom oss og det grusomme? skriv kommentator Emil André Erstad.
SF Studios
Smilande born spring rundt på den grøne plenen, mellom rosebusker og pelargonia. Eit foreldrepar ligg mysande og slappar av, i kvar sin solstol. Vi høyrer lyden av biene som summar sommarleg.
I bakgrunnen ser vi røyken stige til himmels, høyrer lyden av skot og menneske som jamrar seg. Ei monoton rumling frå brennkammer fulle av lik. Vi er rett utanfor Auschwitz, midt under det store folkemordet.
Menneske som lukkar augo
