Det fins ei grense for kva eit parti toler
Det går ei grense for kor stort meiningsmangfald eit parti toler. KrF har kanskje noko å lære av korleis Frp har handtert partifolk med for ekstreme meiningar.
YTTERLEGGÅANDE: Parti toler eit visst meiningsmangfald, men ikkje viss meiningane til partifolk skuggar for partiets politikk, skriv kommentator Emil André Erstad.
Erlend Berge
«Ukraina sin utdeling av våpen har lite militær nytteverdi og er nok en strategi for å skape et blodbad for å skaffe sympati.»
Det skreiv 2. nestleiar i Trøndelag KrF, Daniel Myhren Hovind, på Facebook nyleg. Han omtala òg Ukraina som eit vestleg marionettregime, og vil ikkje uttale kva side han støttar i krigen. Basert på det han seier, tyder mykje på at sympatien til KrF-politikaren er større med krigsforbrytarane i Kreml enn demokratane i Kyiv.
Det er ikkje første gongen ein KrF-ar med eit viktig tillitsverv seier noko grovt og oppsiktsvekkande.
