Den dagen vi står utan politiske skandaler, er vi ikkje lenger eit demokrati
Draumen om den skandalefrie politikken er ein utopi eller eit autoritært mareritt.
SUNT: Dei politiske skandalene er ikkje eit sjukdomsteikn. Dei er blodprøven som viser at alt står bra til med samfunnet vårt, skriv kommentator Emil André Erstad.
Ole Berg-Rusten
Sjå for deg følgjande scenario: Ein tilfeldig russisk student finn graverande informasjon om Putins regjering og legg det ut på Twitter/X. Umiddelbart blir studentens avsløring toppsak i alle store aviser og TV-kanalar. Det heile endar med ein av statsrådane må gå av.
Vanskeleg å førestille seg? Fordi det aldri ville ha skjedd. Studenten ville meir sannsynleg ha hamna i ei mørk fengselscelle eller berre «forsvinne».
Blodprøven som viser at alt er bra
