Skeivt Kristent Nettverk: – Hegertun går passeleg langt
TEOLOGI: – Eg trur han er flink å gå så langt som det går an i sin sammenheng, meiner Skeivt kristent nettverk. Også Åpen folkekirke set pris på at Hegertun utfordrar meir konservative, kristne miljø.
OPNAR FOR DISKUSJON: Tor Håkon Eiken i Skeivt Kristent Nettverk meiner boka til Hegertun er eit godt utgangspunkt for samtale om samliv og ekteskap i kristne samanhengar.
Foto: Erlend Berge
– Eg er kjempeimponert over Hegertun, og at han vågar å stille spørsmål ved synet på sambuarskap og homofilt samliv i frikyrkjelege samanhengar. Eg har sjølv prøvd det, og veit kor vanskeleg det er.
Det seier kontaktperson og prosjektleiar i Skeivt kristent nettverk (SKN), Tor Håkon Eiken. Han har lese den nye boka til Terje Hegertun, Det trufaste samliv, og er imponert over resultatet.
– Hegertun klarar å halde ein sakleg og sunn tone gjennom heile boka. Han har laga eit godt utgangspunkt for samtale og debatt, meiner Eiken.
