Tek utfordringa frå dei unge i kyrkja om betre tilrettelegging
DEN NORSKE KYRKJA: Ungdommens kyrkjemøte etterlyser betre tilrettelegging for dei med nedsett funksjonsevne. – Ei viktig sak for heile kyrkja, svarar preses Olav Fykse Tveit.
BLEI UTFORDRA: Rektor Bård Mæland ved VID vitenskapelige høgskole, kyrkjerådsleiar Kristin Gunleiksrud Raaum og preses Olav Fykse Tveit.
Bård Kristian Bøe/Guro A. Midtmageli/Erlend Berge
Denne veka vedtok Ungdommens kyrkjemøte (UKM) ei rekkje oppfordringar til mellom anna Kyrkjerådet, Bispemøtet, fellesråd og utdanningsinstitusjonar om å ta grep som sikrar universell utforming for menneske med funksjonshemmingar. UKM er det øvste, demokratiske organet i ungdomsdemokratiet i Den norske kyrkja (DNK).
Me har spurt nokre av dei om dei vil ta utfordringa frå dei unge i kyrkja.
– Så klart tek eg imot utfordringa. Dette er ei viktig sak for heile kyrkja, svarar preses Olav Fykse Tveit, som er leiar av Bispemøtet.
