Kristeleg litteratur skapte dei første norske forlaga
Det er 200 år sidan det første norske forlaget vart til. Og det var iveren etter å gje ut kristeleg litteratur som skapte det.
«Våre boktrykkerier er få og i tillegg så små at det ikke engang er noe å håpe på, at vi skulle få trykket en bibelutgave, enn si for en billig pris. Og fordi våre penger er så lite verdt, ville bestilte bibler fra Danmark bli overmåte dyre. Derfor er det, i det minste på de fleste steder i riket, hverken bibler eller nye testamenter å få.» Frå Det Norske Bibelselskaps første årsberetning i 1817, tre år før Andaktsbokselskapet vart stifta. Sitatet viser kor langt tilbake forlags- og trykkebransjen stod i Noreg for 200 år sidan.
Hans J. Sagrusten
Hans Johan Sagrusten, forlagssjef i Verbum forlag
Verbum forlag fyller 200 år i år. Med det er Verbum landets eldste forlag. I jubileumsåret står vi midt i ei spennande omstilling: Vi ser at lesarane våre no les bøker i nye format. Desse nye formata er viktige – det har ikkje minst dei siste vekene vist oss.
Koronakrisa har forsert den digitale kompetansen hos norske lesarar med mange år. Brått er ikkje digitale format berre ekstrautstyr. For mange lesarar er den digitale utgåva no standardutgåva. Dette må vil tilpasse oss. 2020 blir difor eit år då vi satsar tungt på lydbøker, strøyming og podcast.
Bestill abonnement her
KJØP
