Putins religiøse tvang
RUSSLAND: Dei som lurer på kva slags religiøst tvangssamfunn Ukraina kan enda opp med, kan sjå til utbrytarrepublikkane som Vladimir Putin forsvarar med sjokkerande brutalitet.
SPLITTA KYRKJE: Putin seier han vil forsvara dei Moskva-tru ortodokse i Ukraina. På biletet fra 2009 er russiske patriark Kirill på besøk like utanfor Donetsk der han velsignar ei kyrkje. Donetsk blei i 2014 ei såkalla russisk utbrytarrepublikk.
Andriy Mosienko
Den russiske presidenten har medvete brukt religion for å legitimera makta si. Han har gitt store fordelar til dei som er lojale mot Moskva – i dette tilfellet Moskva-patriarkatet i Den ortodokse kyrkja. Frå patriark Kirill har Putins regime hausta lovord, også for det meiningslause overfallet på Ukraina. Leiinga i Den russisk-ortodokse kyrkja ser sjølv på religiøse minoritetar som «ugras», for å sitera Trond Bakkevig.
Dersom Putin klarar å stabla på beina sitt eige regime i Kyiv, kan vi få ein situasjon for trusfridommen som den vi alt ser i Russland. Eller endå verre for religiøse minoritetar: Vi kan få ein situasjon som minner om tilstanden i utbrytar-republikkane Luhansk og Donetsk i Aust-Ukraina.
Splitting og samhald
