Kyrkja er den beste staden for å kjempe mot einsemd
EINSEMD: Når Else Kåss Furuseth inviterer til folkemøte mot einsemd i kyrkja, minner ho oss på kyrkja sitt største kall i vår tid.
ÅLEINE: – Det blir sagt at det å vere einsam er farlegare enn å røyke 15 sigarettar i løpet av ein dag, skriv William Matteus Fonn. Biletet er eit illustrasjonsbilete.
Gorm Kallestad
«Det er så mange som sit åleine utan nokon å snakke med, men om me finn kvarandre, kan me i alle fall ha det hyggelegare saman.» Ho som seier dette til meg, har levd fire gonger så lenge som meg og er fire gonger så takksam.
Valentinsdagen – kjærleikens dag, og som alle andre hyggelege merkedagar kor ein legg vekt på felleskap – er ein dag då dei som er åleine kjenner ekstra på einsemda.
I Storsalen kyrkjelyd i Oslo er det ikkje slik denne kvelden. Her er det fest. Treretters middag. Levande lys, levande musikk og snart eit levande dansegolv. Over 100 friviljuge har stått på for å stelle i stand den årlege Kjærleiksfesten.
