Håpefullt og skuffande lovforslag om abort
NY ABORTLOV: Mange av dei vanskelege verdispørsmåla og dei medisinske utfordringane vil kome også før veke 18.
ABORT: – I høyringssvaret peikte biskopane behovet for å endra på nemndene, skriv preses Olav Fykse Tveit.
Erlend Berge
Eit forslag til ny abortlov er lagt fram. Det er kome ny medisinsk kunnskap og nye spørsmålsstillingar på dei femti åra sidan sist vi fekk ei abortlov. Men eit hovudspørsmål står også no i fokus: Korleis skal omsynet til fosterets rettsvern vegast i forhold til kvinna sin autonomi?
Den medisinske utviklinga gjer at ein kjem meir i kontakt med spørsmålet om når eit foster er levedyktig. På den andre sida må ein ha lovreguleringar som sikrar kvinna tilgang til legal og forsvarleg abort. Spørsmålet vert ikkje om, men korleis dette skal henge saman, uansett kva ein meiner om saka.
Det nye lovforslaget flyttar dette balansepunktet og opnar for mange fleire seinabortar med alle dei komplikasjonar det inneber. Å rekne med at det ikkje vert fleire seinabortar ved å flytte på grensa, er vel ein heit urealistisk premiss.
