Besøket i Filadelfiakirken har forsterka mi tru på at det er éin og same Gud
ANDRES TRO: Khadija Nezar Owdah er truande muslim. Ho har aldri vore i ei kyrkje, fram til no.
PINSEVENN: Som mitt første besøk i kyrkja har dette også forsterka min tru på at det er ein same Gud, på tvers av dei ulike framstillingar, er det guden til fred og kjærleik, skriver Khadija Nezar Owdah, etter at ho har besøkt Filadelfiakirken i Oslo.
Privat
Er dette ei kyrkje?! Ingen tårn eller spir, berre ein vanleg bygning kopla saman med andre bygningar. Dette var det første eg la merke til, da eg hadde funne fram til Filadelfiakirken frå instruksjonane på Google Maps.
Eg har aldri vore i ei kyrkje før, men eg har sett kyrkjer utanfrå, og denne kyrkja var annleis.
Eg var både spent og nysgjerrig på korleis folk skulle reagere på å sjå ei kvinne med hijab på ei gudsteneste i denne kyrkja. Da eg kom inn, sto nokre personar der og ønska meg velkommen. Ei kvinne guida meg til rommet der gudstenesta skulle skje.
