Kvinner og barn på flukt drukna i Nigeria
NIGERIA: Fleire kvinner og barn drukna medan dei prøvde å rømme frå væpna menn som gjekk til angrep i delstaten Zamfara nord i landet.
Uidentifiserte gjerningsmenn gjekk til angrep mot lokalsamfunnet Birnin Waje. Dei omkomne, minst 13 til saman, drukna då båtane deira forliste, fortel innbyggjaren Ibrahum Zauma til nyheitsbyrået AP.
– Situasjonen er forferdeleg, dei fleste har rømt frå heimane sine. Det er førebels henta opp 13 døde, sa Zauma.
Det er uklart akkurat kor mange som har drukna. Mange av dei som flykta, har ikkje returnert til området. Innbyggjarane seier at situasjonen framleis er ustabil, meir enn eit døgn etter at valden braut ut.
Bestill abonnement her
KJØP
