– Sjølv om vi kan ha både samanfallande syn og ulike oppfatningar når det kjem til årsaker, hendingar og konsekvensar av dagens krise, tek vi gjennom dialog sikte på å oppnå gjensidig forståing, vitande om at vårt mål er å vere vitner for sanninga og å bidra til fred, uttalar dei religiøse leiarane i uttalelsen frå rundebordskonferansen i Oslo, som vart avslutta torsdag ettermiddag.
Kyrkjeleiarane legg spesiell vekt på humanitær hjelp, og at det er viktig at denne når sivilbefolkninga i Aust-Ukraina.
Rundt 40 kristne, muslimske og jødiske kyrkjeleiarar frå Ukraina og Russland har, under leiing av Bibelselskapet, snakka saman i Oslo denne veka.
LES OGSÅ: Patriark: Putin besatt av djevelen
– Stor betydning
– Denne uttalelsen kjem til å bli lest opp for både Vladimir Putin og den ukrainske presidenten Petro Poroshenko innan kort tid, seier misjonsleiar i Bibelselskapet, Bernt Greger Olsen.
Ifølgje han har kyrkjeleiarane stor innflytelse i det austlege Europa.
– Religion betyr mykje for folk der, meir enn mange trur her i Vesten. Uttalelsen frå kyrkjeleiarane i dag vil påverke både på politisk og sivilt plan, seier han.
LES OGSÅ: Advarer mot tredje verdenskrig
Ikkje politisk
Samtidig understrekar Olsen at rolla til kyrkjeleiarane i seg sjølv ikkje er politisk.
– Dei påverkar gjennom dei kanalen dei har, seier han.
I uttalelsen uttrykkjer kyrkjeleiarane eit sterkt ynskje om at overgrep, som tortur og kidnapping, må ta slutt. På begge sider.
LES OGSÅ: – Våpen fra NATO-land kan hindre fred i Ukraina
– Nådd målet
Olsen meiner det er ein siger at kyrkjeleiarane ville møtast til dialog i det heile.
– Men det har vore ein god tone mellom dei, og vi er særdeles godt nøgde med møtet, seier han.
– Vi føler at vi har nådd vårt mål med møtet her i Oslo, nemlig at dei er blitt einige om at dei skal halde fram med å snakke med kvarandre. Det kan vere eit lite bidrag til fred.