Godtek ikkje kandidatliste utan unge

Valrådet i Møre bispedøme har instruert nominasjonskomiteen til å gå ein ny runde for å skaffe yngre kandidatar til kyrkjevalet i haust. Ingen av dei 18 kandidatane på den noverande lista er under 30 år, skreiv Vårt Land tysdag.

Heller ikkje Tunsberg oppfyller kravet om at det skal vere minst 20 prosent unge på lista - der er 3 av kandidatane under 30 år.

LES MEIR: Leverer regelstridige lister til kyrkjevalet

Måndag vedtok valrådet å sende lista tilbake til nominasjonskomiteen med krav om at det må leitast grundigare etter unge kandidatar. Det er mellom anna sendt ei «etterlysing» til Ungdomsrådet, soknerådet og alle kyrkjetilsette i bispedømet. Fristen for å spele inn nye namn er sett til 20. mars.

Følg oss på Facebook og Twitter!

– Vi oppfordrar til stort engasjement, skriv Per Inge Haugen, prosjektleiar for kyrkjevalet i Møre bispedøme, i ein e-post.