«The king of gospel», Andrae Crouch, kjem på turné til Stavanger, Kristiansand og Oslo 24.-26. juni, i regi av Mercy Ships.
I mai kjem det nye albumet hans, «The Journey», i USA, og konsertane vil innehalde både nye sangar herifrå og mange av klassikarane hans, melder turnéansvarleg Martin Alfsen i ei pressemelding. Han har nettopp sleppt ein singel med namnet «The Promise».
LES OGSÅ: Kirk Franklin falmer mot Andrae Crouch
Andrae Crouch er kjent som den moderne gospelmusikkens fremste. Då Michael Jackson vart gravlagt i 2009 opna sermonien med at Andrae Crouch-koret sang «Soon and very soon».
– Denne og komposisjonar som «Jesus is the answer» og «Take me back» har gjort han til ein av historiens mest framførte gospelkomponistar, påpeikar Alfsen.
Med på turneen i Norge er Reflex og Solveig Leithaug, Stavanger Gospel Choir (Stavanger, Kristiansand) og Oslo Soul Children (Oslo).
Konsertane skjer i IMI Forum Stavanger, fredag 24. juni, i Kristiansand Feriesenter, laurdag 25. juni og i Oslo Konserthus, søndag 26. juni.
Mercy Ships Norge står som arrangør.