Onsdag vann Svein Tindberg årets Petter Dass-pris.
Lars O. Flydal
Naiv i trua
Petter Dass-vinnar Svein Tindberg vil ikkje stappe havet ned i ei skoeske.
Svein Tindberg er skodespelaren som fann vegen til Gud gjennom teateret. Under arbeidet med «Markusevangeliet» nokre år attende forstod han plutseleg at han trudde på det evangelisten Markus fortalde.
– Eg trur at Jesus er Guds son, seier Tindberg til Vårt Land.
Det var ikkje sjølvsagt at skodespelaren skulle bli ein av Norges mest kjende fortolkarar av trusspørsmål. Han vaks opp i det han omtalar som «ein vanleg, norsk, kristen heim», utan religiøst aktive foreldre.
