– Gjevaren er særs nøgd med arbeidet vårt. Han opplever at vi når ut til eit stadig breiare publikum med viktig Israels-informasjon, fortel Conrad Myrland, dagleg leiar i Med Israel for fred (Miff).
Gode tal. Når Myrland gjer opp rekneskapen for 2010, ser han at organisasjonen kan skilte med fleire gode tal:
Rekordstor einskildgåve på 400.000 kroner.
Kraftig vekst i gåver frå nordmenn som støttar Miffs arbeid - opp frå nesten 1,2 millionar kroner i fjor til nesten 2 millionar kroner i år.
n Medlemsmassen auka med nesten 1.000 personar frå i fjor til i år - opp frå 3.392 til 4.208.
Rekordstore. – Når vi slår saman medlemskontingent og pengegåver, får vi rekordstore inntekter i år, nesten 3 millionar kroner. På toppen kjem einskildgåva på 400.000 kroner, fortel Myrland.
– Kva skal de bruke inntektene til?
– Vi skal sende ut informasjonsavisa vår til nye fylke. Hittil har alle husstandar i Rogland, Agder-fylka og Telemark fått denne. Neste år står Buskerud og Møre og Romsdal for tur, seier Myrland.
Avis. Han opplyser at veksten i medlemmer og gåver heng saman med utsendinga av informasjonsavisa:
– Frå fylka som har fått avis, har Miff fått mange medlemmer og gåver.