Monsen om surrogati: «Barneindustrien open for alle»

I ein kronikk i Dagbladet tysdag tek filosofen Nina Karin Monsen eit oppgjer med bruken av surrogatmødre for å få barn.

I kronikken skriv ho mellom anna at «Barneindustrien er åpen for alle. Den er et fritt marked» som gjerne vil «se oss alle som individer de kan eksperimentere med».

Og ho skriv:

«I Dagbladets debatt blandes hele tiden følelser og erfaringer. Man lager seg livsløgner etter behov og slåss mot hverandre uten å kaste et eneste blikk på markedets nådeløse og brutale realitet. Den burde være lett å se for alle og enhver. Barn har allerede i norsk barnelovs $ 4a mistet retten til en far, nå er det mor som står for tur, om noen år selvsagt begge foreldrene. Når fremmede kan erstatte mor og far, kan alle fremmede erstatte begge. De fleste kan framstille seg som gode barnepiker i media.»

«Fødemødre». Ho skriv at «Fødemødre finnes i forskjellige kategorier. Men de som av fri vilje føder opptil 12 barn for andre og som ikke ønsker seg egne barn, lider under en hittil ubeskrevet forstyrrelse som kan ha eksistert i urtiden: Graviditet skal være permanent.» «Kvinner som ikke kan leve med det faktum at de virkelig ikke kan få barn, kan på samme måte lide av en forstyrrelse der kroppens mangel løfte sover personligheten og verdigheten.»

I eit intervju med Se og Hørs nettstad seher.no langar Monsen ut mot kjendisparet Geir og Sebastian Kvarme som har fått to jenter frå surrogatmor i USA. begge har registrert seg som fedrar. No har Skattedirektoratet undersøkt deira og 20-40 andre saker: Eit barn kan nemleg ikkje ha to juridiske fedrar. Løysinga er at den eine er juridisk far og den andre stebarnsadopterer barna.

LES OGSÅ: Familier med surrogatbarn granskes

«Uvitande». Monsen seier etter at ha sett det store oppslaget i VG i går:

– Ærleg talt så forstår eg ikkje oppslaget. Barnelova tillet ikkje to fedrar, og det er noko desse to burde fått med seg for lenge sidan. Dei har ingenting å klage over – dette er noko som gjeld for dei og for alle andre, seier Monsen til seher.no.

– Dette viser kor uvitande dei er, og at dei trur at dei kan heve seg over lova.

Ho meiner dei tek frå barna menneskerettane hennar.

– Barn har rett til å vekse opp hos sine biologiske foreldre.

Geir Kvarme svarar at han veit Monsen er kritisk til at homofile får barn og at kritikken frå henne ikkje går inn på han.

- Rike. Monsen uttalte i eit avisintevrju for eit år sidan at i framtida vil rike kvinne betale surrogatmødre for å bere fram barn, slik at dei sjølve kan ta vare på utsjånaden og sleppe å gå gravide i ni månader.

– Hvis vi seier at det ikkje er viktig kva mage eit barn skal vekse opp i, seier vi at alle kvinner kan skaffe seg nokon for å føde for seg. Det kan bli ei overklasselivsform at du får nokon til å gjere det for deg. Men det vil endre forholdet mellom mor og barn, sa Monsen til DagenMagazinet.

I VÅRT LANDS PAPIRUTGÅVE TYSDAG SEIER JUSPROFESSOR ASLAK SYSE AT GEIR OG SEBASTIAN KVARME BURDE VITE KVA LOVA SEIER OM FARSKAP.

[ KJØP DAGENS AVIS ]