Atter ein gong ligg Evenstad kapell i Østerdalen midt i flaumen. Glomma går så flaumstor at kyrkjeverge Jon Rotbakken måtte torsdag bruke båt for å kome ut til kapellet som ligg i Stor-Elvdal kommune.
– Det var så vidt det gjekk, for straumen i elva er sterk, fortel han.
Redde orgel. Vel framme i kyrkja var jobb nummer ein å redde orgelet.
– Vi sette det på lecasteinar, så dersom vatnet kjem inn i kyrkja skal ikkje orgelet bli øydelagt.
Flaumtoppen nådd. Rotbakken har stor tru på at øydeleggingane ikkje blir like store som under storflaumen i 1995.
– Då måtte ein ta opp golv og rette opp graver på kyrkjegarden. No melder NVE at flaumtoppen er nådd, så no går vasstanden ned.