Vil bli kvitt lek-stempel
DEN NORSKE KYRKJA: Kva har vigsla diakonar, kateketar, kantorar og teologiprofessor Harald Hegstad til felles? Dei blir rekna som lekfolk i kyrkja. Det vil fleire ha ein slutt på.
SAMDE: Diakon Eilev Erikstein og kyrkjerådsleiar Harald Hegstad er einige om at lek-omgrepet slik det blir bruka i kyrkja kan vera uheldig.
Marit Neset/Erlend Berge
– Ordet lek er fint det, men det opplevast noko underleg, og kanskje gjev det folk kjensla av ei slags B-teneste. Eller noko ulærd, for den saks skuld.
Det seier diakon Eilev Erikstein. Han vart vigsla til kyrkjeleg teneste for over tretti år sidan, og synest det er noko rart med å bli kalla for ein lekperson.
No ber han leiinga i Den norske kyrkja om å gjera noko med saka. Han får full støtte frå kyrkjerådsleiar Harald Hegstad.
