Ueinige om debattkultur i Frikyrkja: – Samtala svekkjer oss
SAMTALEKLIMA: Nestleiar i Frikyrkja peika på påkjenninga med å uttale seg i samlivssaka då ho trekte seg. Nokon saknar meiningsbryting og debatt i kyrkja, andre meiner dei som er ueinige i samlivssynet kan finne andre kyrkjesamfunn.
DISKUSJON: Pensjonist og tidlegare pastor i Frikyrkja, Leif Inge Jensen, var ein av fleire som på fjorårets synodemøte kritiserte at personar frå kyrkja hadde debattert samliv i media.
Marit Neset
– Eg har ombestemt meg om mange viktige spørsmål gjennom livet. Som oftast har det skjedd gjennom å snakke med nokon eg har vore ueinig med.
Det seier Heidi Garvik, og trekkjer fram kvinneleg ordinasjon som døme.
Garvik er eldste, altså i leiinga, i Sandnes frikyrkje. Ho er ei av dei som har uttalt seg offentleg både om likekjønna samliv og kvinners posisjon i Den Evangelisk Lutherske Frikyrkja. Ho har også etterlyst meir open debatt i kyrkja.
