Trur kyrkja kan vera ein viktig fristad frå det digitale for unge
TRUSOPPLÆRINGSKONFERANSEN: Medan 200 utstillarar lokkar med det nyaste av trusopplæringsressursar, trur fleire at det unge treng av kyrkja er eit pusterom. – Konfirmantane set pris på at eg snakkar med dei og at dei berre kan få vera litt, seier Kristin Toldnæs.
TRUSOPPLÆRING: Kristin Toldnæs er ein av rundt tusen menneske som har tatt turen til trusopplæringskonferansen på Gardermoen.
Marit Neset
– Me må lære ungdommane å slappe av litt. Dei har så mykje stimuli heile tida at det kan vera godt å berre kople ut litt. Eg trur det er bra viss kyrkja kan vera eit pusterom frå mobilen og alt det digitale.
Det seier Kristin Toldnæs. Ho har dei siste åra gått frå å bruke mykje digitale verkemiddel inn mot ungdommar og konfirmantar, til å no heller fokusere på nærleik og det analoge.
Ho er ein av rundt tusen menneske som har tatt turen til trusopplæringskonferansen på Gardermoen. Konferansen er ein møteplass for dei som jobbar med barn og unge i kyrkjer og kristne organisasjonar.
