Trønder-kyrkje i pengeknipe er vert for NRKs påskegudsteneste
PÅSKE PÅ SKJERM: For å spara straum, må Orkdal kyrkje halda vinterstengt. Ei trøyst er at trønder-kyrkja i år er vald ut av NRK for å halda påskegudstenester.
TØFFE TIDER: Orkdal kyrkje har røter tilbake til kristininga av Noreg, men har måtte halda vinterstengt. No opnar kyrkja dørene for NRKs påskegudstenester.
Morten Dreier
Orkdal kyrkje i Trøndelag er vald ut som NRK-kyrkje i påsken. Tre gudstenester er spelt inn og blir sendt på fjernsyn og radio i løpet av høgtida.
Kyrkja ligg under eit fellesråd i pengeknipe. For å spara pengar, må kyrkja halda vinterstengt.
– Det var veldig stas å bli spurt av NRK. Som mange andre fellesråd har me hatt ein tøff økonomi. Me takka ja for å bli betre kjende med kvarandre og jobba saman for eit felles mål, seier sokneprest Marita Hammervik Owen til Vårt Land.
