Tro & Medier lanserer nettkurs om porno – vil hjelpe kristne
Tro & Medier lanserer eit nytt nettkurs for å hjelpa pornoavhengige. – Det er eit kjempebehov for denne typen undervisning i kristne miljø, seier Alexis Lundh.
Helt Fri frå Tro & Medier har tatt undervisninga frå eigne seminar om porno og laga eit nettkurs for å hjelpe pornoavhengige. Her frå eit seminar i 2018.
Markus Plementas / KPK
– Dette er eit kurs som tar deg på ei reise inn mot å kunna leva i fridom frå pornografi. Vi har sett behovet for eit slikt kurs lenge, seier Alexis Lundh som er leiar for Helt Fri, Tro & Mediers plattform for kompetanse og kunnskapsformidling om skadeverknadene til pornografien.
Kurset består av seks videoar som ifølgje Lundh kan sjåast på eigenhand eller gåast gjennom i ei gruppe.
– Dei ulike bolkane inneheld viktige element for å komma fri frå pornoavhengnad. Dette er ein prosess mange finn vanskeleg. Vi har god erfaring med å snakka om dette i felt og veit at det er stor etterspørsel etter meir, seier han.
