Toppe vil ikkje love noko om livssynsnøytrale seremonirom
LIVSYNSNØYTRALE SEREMONIROM: Regjeringa vil skrote tilskot til private forsamlingslokale, noko Guri Melby (V) meiner kan hindre livssynsnøytrale seremonirom på bygda. Ministeren vil ikkje gi lovnader.
LOKALT ANSVAR: Barne- og familieminister Kjersti Toppe meiner løysinga og ansvaret for å ha gode, livsynsopne alternativ til seremonirom ligg på lokalt plan.
Terje Bendiksby
– Eg kan ikkje sjå at det er naudsynt med nye initiativ for bygging av livssynsnøytrale seremonirom. Eg vil heller oppmode kommunar og andre til å samarbeide for å finne dei gode løysingane lokalt.
Det sa barne- og familieminister, Kjersti Toppe, under Stortingets spørjetime onsdag.
Det var partileiar i Venstre, Guri Melby, som spurte om det var slik å forstå at «Regjeringa Støre ikkje ynskjer å legge til rette for livssynsnøytrale rom, då dei kuttar i den ordninga som Solberg-regjeringa oppretta i 2021?»
