Thor Haavik vil gje historiske grunnar for at Jesus stod opp frå døden. Andre vil verne mysteriet
PÅSKE: Thor Haavik tek for seg historiske hendingar kring Jesu død og oppstode i ny serie. Men kor mykje har det for seg å prøve å bevise kva som skjedde etter krossfestinga?
RART OG LITE SMART: Då Thor Haavik blei kristen som 17-åring oppdaga han at venene synest det var rart, og lite smart å tru. Etter det blei det viktig for han å vise at den kristne trua også kan vera fornuftig.
Marit Mjølsneset
Thor Haavik hadde gleda seg til austlandsk vår. I staden har han byrja å miste kjensla i fingrane, med snø til anklane, i eitt skispor på fem hundre meter over havet.
– Takning seks, Holmenkollen.
Haavik snakkar høgt og tydeleg, ser i kamera, og slår hendene saman i eit kontant klapp.
