Tau kyrkje er eitt av få nye kyrkjebygg: – Vi vil vere ei drop-in-kyrkje
KYRKJEOPNING: Det blir bygd stadig færre kyrkjer i Norge. Ved å plassere si nye kyrkje midt i sentrum håpar Tau kyrkje å senke terskelen mellom bygda og det heilage rommet.
STOLT OG AUDMJUK: Sokneprest Martin Ivar Arnesen viser stålfasaden på Tau kyrkje. Nybygget er plassert midt i sentrum, med låg terskel for å kunne «stikke innom».
Ruth Einervoll Nilsen
– Det er litt magisk her, seier Martin Ivar Arnesen, sokneprest i Strand i Ryfylke i Rogaland.
Idet han opnar døra til kyrkjerommet, slår lukta av nytt tre imot ein.
Det er berre nokre dagar sidan flunkande nye Tau kyrkje kunne ønske bygda velkommen inn – med blant anna ministerbesøk, Sigvart Dagsland-konsert og gudsteneste på programmet.
