Stadig fleire tar kyrkjeleg utdanning. Dette kan vere kvifor
REKRUTTERING: Betalte studier har meir enn tredobla talet på kyrkjetilsette som tar utdanning på deltid. No får enno fleire sjansen.
TILBAKE: Eirin Sørhus trudde ho ikkje skulle jobbe i kyrkja igjen. No gler ho seg over jobben som kyrkjelydspedagog i Alta – og er på veg mot å kunne bli vigsla kateket.
Privat
Dei siste tre åra har Den norske kyrkja (DNK) brukt rundt 2,3 millionar kroner på å gi trusopplæringstilsette meir kompetanse.
At det i dag er tre gonger så mange som utdannar seg innan kyrkjeleg undervisning som i 2018, ser Kyrkjerådet på som eit vellukka tiltak.
Hovudgrunnen til suksessen? Eit stipend dei oppretta for tre år sidan.
