– Sonen min er ei velsigning, ikkje ei straff
DISKRIMINERING: Faridah Shakoor Nabaggala brenn for at barn med funksjonsnedsettingar skal bli sett, høyrt og verdsett. No har ho fått likestillingsminister Trettebergstuen til å skrive under på opprop om at funksjonsnedsetjingar ikkje er ei straff frå Gud.
STRAFF: Leiar i Abloom, Faridah Shakoor Nabaggala, meiner det er ei vanleg forestilling i ulike religiøse miljø at funksjonsnedsettingar er ei straff frå Gud. Derfor har organisasjonen tatt initiativ til ei felleserklæring der ein tek til motmæle.
Tuva Skare
Faridah Shakoor Nabaggala flytta frå Uganda som 22-åring. Heilt sidan ho kom til Noreg har ho engasjert seg i arbeid for menneske med minoritetsbakgrunn. Men då sonen blei født, blei livet snudd opp-ned og engasjementet skifta kurs.
Han hadde Möbius syndrom, som lammar nervar i andletet.
– Eg følte eg måtte bli ein supermamma. Samfunnet kravde det.
