Slik reagerer dei på samlivsvedtaket i Metodistkyrkja
HOMOFILI: Årskonferansen til Metodistkyrkja i Noreg oppfordra biskopen til å vente med å sanksjonere prestar som vier homofile. – Eit bittelite skritt, meiner prest og rektor.
SAMLIV: Svein Jacobsen Veland, Hilde Marie Øgreid Movafagh, Knut Refsdal og Silje Marie Halvorsen uttalar seg om samlivsvedtaket til Metodistkyrkja i Noreg.
Privat/Erlend Berge/Karl A. Ellingsen/Privat
– Me har komme eit bitte lite skritt vidare.
Det seier Rektor ved Metodistkyrkjas teologiske seminar, Hilde Marie Øgreid Movafagh, om vedtaket om likekjønna vigsel som Metodistkyrkja i Noreg gjorde på helgas årskonferanse.
Årskonferansen vedtok å oppfordre biskop for Metodistkyrkja i Norden og Baltikum, som i dag er Christian Alsted, om å vente med å behandle klagesaker mot dei som vel å vie likekjønna par.
