Skal velje ny verdsleiar i Frelsesarmeen: Kan ta meir enn ei veke
ARVTAKAR: Det høge råd i Frelsesarmeen er samla i London med eit mål for auget: Å velgje den 22. generalen i den internasjonale rørsla.
GÅR AV: Noverande Frelsesarmeen-general Brian Peddle snakkar til Det høge råd som er samla i London.
Salvation Army International
I desse dagar er 112 leiarar frå Frelsesarmeen rundt omkring i verda samla til Det høge råd i London, England.
Den einaste funksjonen rådet har er å velje ny verdsleiar, eller general om du vil, for Frelsesarmeen. Han eller ho blir øvste leiar for arbeid som skjer i over 130 land og for om lag 1,3 millionar «soldatar» verda rundt.
Den nye leiaren blir den 22. i rekkja etter grunnleggjaren William Booth som får ha tittelen general i Frelsesarmeen. Tre av desse har vore kvinner.
