Rekordomsetjing for bruktbutikkar
FORBRUK: Gjenbruksaktørar melder om rekordomsetjing i 2022. Fleire trur éin årsak er at folk har dårlegare råd.
POPULÆRT: Gjenbruksbutikkane til både Misjonssambandet og Det Norske Misjonsselskap hadde rekordomsetjing i fjor. Bilde frå Fretex Arkivet på Grünerløkka i Oslo. Fretex opplyser til Vårt Land at dei ikkje har tala klare for fjoråret heilt endå.
Giulia Troisi
– Me har hatt eit heilt fantastisk år med omsetjingsrekord.
Det seier dagleg leiar for NMS Gjenbruk, Siri Bloch Lindtveit.
Trass i koronarestriksjonar i dei fyrste månadane i 2022 gjekk omsetjinga deira opp frå 64,8 millionar kroner i 2021, til 83,0 millionar i 2022. Det svarar til ein auke på 28,1 prosent.
