Pavens statsminister velsigna capsen til Magnus (17) og Hallvard (21)
MESSE: Unge norske katolikkar feira vigslinga av den nye norske biskopen. Søskenparet Magnus Benedikt og Hallvard var meir frimodige enn dei fleste.
PAROLIN: Brørne Hallvar og Magnus Benedikt Hareide har kvar sin caps med logoen til eit norsk selskap. Den har dei kjøpt på internett, fordi namnet på selskapet er det same som til pavens høgre hand Pietro Parolin.
Erlend Berge
– Me var freidige då me gjekk bort til kardinalen med den capsen. Det var litt skummelt. Men han tok det med godt humør, seier Magnus Benedikt Hareide.
Han og broren Hallvard Hareide har kvar sin caps med logoen til eit norsk selskap. Den har dei unge katolikkane kjøpt på internett, fordi namnet på selskapet er det same som til pavens høgre hand Pietro Parolin.
Laurdag var kardinalen i Oslo for å vigsla Fredrik Hansen som ny biskop av Oslo katolske bispedømme.
