Forteljinga om Rut er skrive ned og finst som ei eiga lita bok i Det gamle testamentet. Ho er så lita at det nesten er vanskeleg å finne ho. Men det er litt av ei forteljing. Finn ho gjerne fram i dag!
I ein kultur der mykje er lagt, og der andre sine forventningar styrer mykje, følgjer Rut sitt eige hjarte og tek sine eigne val. Med stort mot handlar Rut på tvers av omgjevnadene sine forventningar – ikkje i opprør eller i trass – men i tru.
Det første uventa valet Rut tek, er at ho giftar seg med ein innflyttar – ein jøde. Den jødiske familien Rut blir ein del av, kjem frå ein liten by som heiter Betlehem. På grunn av hungersnaud har denne familien brote opp og slått seg ned i Rut sine heimtrakter.
Ruts bok får meg til å tenkje: Gud kjem til oss utanfrå. Blandar seg med menneskeslekta
Åra går. Og så går det så ille, at alle mennene i familien døyr. Svigermora Noomi sit att åleine, utan mann og utan søner til å ta vare på henne. I mellomtida har det vorte betre tider i heimlandet, og Noomi bestemmer seg for å bryte opp og vende tilbake til Betlehem og slekta si der.
På nytt tek Rut ho eit uventa val. Saman med svigermor si gjev ho seg inn i det ukjente. Og slik hamnar Rut i Betlehem. For svigermora er det å kome tilbake til nok kjent. For Rut er det å begynne heilt på nytt. Utan å vite om den nye begynnelsen har ein fortsettelse.
Men Rut blir møtt med velvilje i Betlehem. Ikkje minst blir ho møtt med velvilje av Boas, ein slektning av svigerfaren. For å gjere ei lang historie kort: Rut og Boas blir gift. Den nye begynnelsen i Rut sitt liv viser seg å ha ein fortsettelse.
Rut får barn og barnebarn og oldebarn. Rut blir oldemor til David. Og dermed er Rut også ei av formødrene til Jesus. Rut er eit uregelmessig verb. Ho er heidning, ikkjejøde. Men ho blir likevel stammor til Jesus.
Ruts bok får meg til å tenkje: Gud kjem til oss utanfrå. Blandar seg med menneskeslekta. Ikkje berre med jødane, dei som i utgangspunktet var utvald, men med alle folkeslag. Gud lar seg flette inn i slekta vår. Og vi blir del av slekta hans.
---
Rut 4,13-22
Boas tok Rut hjem til seg, og hun ble hans kone. Da han kom sammen med henne, lot Herren henne bli med barn, og hun fødte en sønn. Da sa kvinnene til Noomi: «Velsignet er Herren som lot deg få en løsningsmann i dag! Hans navn skal bli stort i Israel. Han skal gi deg nytt livsmot og sørge for deg i din alderdom. For din svigerdatter, som er så glad i deg, har født ham. Hun er mer for deg enn sju sønner.» Så tok Noomi gutten og la ham på fanget sitt, og hun ble hans fostermor. Nabokonene ga ham navn og sa: «Noomi har fått en sønn!» De kalte ham Obed. Han fikk sønnen Isai, som ble far til David. Dette er Peres’ etterkommere: Peres fikk sønnen Hesron, Hesron fikk sønnen Ram, og Ram fikk sønnen Amminadab, Amminadab fikk sønnen Nahsjon, og Nahsjon fikk sønnen Salma, Salma fikk sønnen Boas, og Boas fikk sønnen Obed, Obed fikk sønnen Isai, og Isai fikk sønnen David.
---