Nye kyrkjetoppar: – Som 17. mai, jul og bursdag på ein gong!
KYRKJERÅDET: No har Den norske kyrkja fått nytt toppstyre. Dette er dei nye, øvste folkevalde.
FERSK LEIAR: Til vanleg jobbar ho i oppdrettsnæringa og er sjølvstendig næringsdrivande. No blir Dorrit Vignes (39) del av Den norske kyrkja si toppleiing.
Ruth Einervoll Nilsen
Fredag ettermiddag stemte dei 117 kyrkjemøtemedlemmane i Trondheim fram eit nytt «styre».
Mellom den eine gongen i året at Kyrkjemøtet er samla, er det Kyrkjerådet som leier arbeidet med sakene som kjem opp her.
Ei av dei som får desse oppgåvene dei neste fire åra er Dorrit Vignes (39). Ho representerer kyrkjepartiet Åpen folkekirke og sit i Stavanger bispedømmeråd.
