Ny podkast: BCC lettar på sløret
Berit Hustad Nilsen opnar opp om eksmedlemmar og sektstempel, Alf Gjøsund forklarar kva som har endra seg sidan han sjølv var «smithevenn» og Brith Dybing avkreftar at Hjelpekilden er imot kristendom.
Programleiar Dana Wanounou (t.v.) saman med gjestane i Verdiduell, Brith Dybing, Berit Hustad Nilsen og Alf Gjøsund
– Eg er ganske avslappa til sektstempelet. Det er eit stempel andre vel å sette på oss, og eg trur ikkje desse kjenner oss særleg godt, seier styreleiar i Brunstad Christian Church (BCC), Berit Hustad Nilsen, når programleiar Dana Wanounou konfronterer ho med sektstempelet.
I den nye podkasten frå Vårt Lands debattredaksjon, Verdiduellen, kan du framover høyre meiningsmotstandarar frå dei mest engasjerande debattane i Vårt Land. Første episode handlar om BCC.
Høyr podkasten her:
