Normisjon må betale tilbake statsstøtte: – Framstår som alvorleg og med vilje
ØKONOMISK STØTTE: Statsforvaltaren krever at trussamfunnet til Normisjon betalar tilbake delar av statsstøtta. Normisjon har klaga på avgjersla og reagerer på fleire ting dei meiner er urimeleg i vedtaket.
REAGERER: Gunnar Urstad synest Statsforvaltaren brukar harde ord når dei skuldar trussamfunnet til Normisjon for å med vilje ha brote reglar knytt til statstilskot. – Me har handla i god tru, seier Urstad.
Erlend Berge
Statsforvaltaren i Agder krev tilbake delar av statstilskotet til Normisjon Region Agder for 2021 og 2022. Det er snakk om til saman om lag 160.000 kroner.
Normisjon har sagt seg villige til å rette opp i det Statsforvaltaren reagerer på, men i vedtaket får dei beskjed om at dette ikkje er tilstrekkeleg, og at dei krev at pengane det er snakk om blir betalt tilbake.
Vidare skriv Statsforvalteren at dei meiner at «dette er en bevisst handling fra deres side, og ut fra dette finner vi at forholdet fremstår som alvorlig og forsettlig».
