– No handlar alt i livet mitt om Israel

Haustmørkeret ligg over Bergen by. Det er 2. oktober 2023 og inne i Kristkirken i Bergen har Susann Ludvigsen (37) og to andre samla seg for å be saman.

Det varme lyset frå ein stor, skinande kross på venstre vegg i kyrkjerommet strekk seg heilt til motsett side av rommet. Her står to flagg i kryss. Eit noregsflagg og eit israelsflagg.

Saman ber dei og forsøkjer å lytte til kva Gud seier til dei.