NLM har tapt millionar i gåveinntekter under pandemien
GÅVETAP: I høve til 2019 har Misjonssambandet (NLM) tapt 8 millionar i gåveinntekter i 2021. – Veldig som venta, seier informasjonsleiar Espen Ottosen.
TAP: I høve til 2019 har Misjonssambandet (NLM) tapt 8 millionar i gåveinntekter i 2021.
Erlend Berge
I 2021 kom det inn 124 millionar kroner til NLM. Det er om lag 2,5 millionar mindre enn i 2020, og heile 8 millionar i høve til 2019. Dette skriv NLM på sine nettsider.
– Dette er veldig som venta, seier informasjonsleiar i NLM Espen Ottosen.
At redusert aktivitet under pandemien får utslag i mindre gåveinntekter, er ikkje overraskande for organisasjonen. På nettsidene viser NLM blant anna til at den siste runden med nedstenging i desember førte til at nesten alle julemesser blei avlyst. Som følgje av dette enda inntektene denne månaden nesten 7 millionar under same månad i 2019.
