Minst 24 personar koronasmitta i Visjon Norge
KORONA: Personar i seks ulike kommunar er smitta av korona etter arrangement i Visjon Norge. Smittevernoverlege seier det er sannsynleg utbrotet vil auke i omfang.
STADFESTAR: Jan Hanvold, leiar i Visjon Norge, stadfestar eit større utbrot av koronasmitte.
Erlend Berge
Smittevernoverlege i Drammen kommune, Einar Sagberg seier til Drammens Tidende at 24 personar i totalt seks forskjellige kommunar på Austlandet, er stadfesta smitta på eitt av TV-arrangementa. Arrangementa har gått føre seg frå onsdag til sundag.
Så langt er det stadfesta at Øvre Eiker kommune, Drammen kommune og Kongsberg kommune, er råka, ifølgje avisa.
Sagberg seier det er truleg at utbrotet vil auke i omfang.
