MF-topp sa at Den norske kyrkja ikkje var trygg for borna hennar – no reagerer studentar
KRITIKK: I eit intervju gjekk katolikk Ragnhild Ådland Høen hardt ut mot Den norske kyrkja. Fleire reagerer, ettersom ho er kommunikasjonsleiar på MF vitenskapelige høyskole, som utdannar prestar.
HEILT TYDELEG: – Min arbeidsgjevar er ikkje nemnt i saka, og det er heilt tydeleg at synspunkta er mine personlege vurderingar, og ikkje arbeidsgjevaren min sine, skriv Ragnhild Helena Aadland Høen i ein epost til Vårt Land.
Lars Thomas Nordby
I eit intervju med avisa Dagen seier Ragnhild Helena Aadland Høen at ho ikkje reknar det for trygt å oppdra barna sine i Den norske kyrkja.
Fleire reagerer på at ho som kommunikasjonsleiar ved den kristne høgskulen MF vitenskapelig høyskole, går så hardt ut mot kyrkjesamfunnet.
– Me stiller oss kritiske til kor vidt ei slik utsegn bør koma frå kommunikasjonsleiaren ved MF, ein høgskule som utdannar mange prestar til teneste i Den norske kyrkja, seier leiar for studentrådet ved skulen, Natalie Woldengen.
