Kristendommen stuper i Vest-Europa – men éi retning har vakse enormt i heile verda
RELIGION I FORANDRING: Samtidig som kristendommen er på retrett i vestlege land, går ikkje talet på kristne ned i verda totalt. – Tradisjonelle kyrkjer er utfordra, seier forskarar.
GLOBAL TREND: Pinsekarismatikken har fått større og større tilslutning på det afrikanske kontinentet dei siste 30 åra. Her er tusenvis på The Experience gospel concert i Lagos i Nigeria.
Sunday Alamba
– Korleis står det til med kristendommen i dag?
– Svaret på det, er at det finst veldig mange ulike kristendommar i dag. Men det er framleis verdas største religion, seier Sven Thore Kloster.
Han er gjesteforskar ved Teologisk fakultet (TF) og medforfattar av boka Global kristendom, som no blir gitt ut i USA.
