Kristen høgskule får godkjentstempel etter tidlegare pålegg
UTDANNING: Nokut påpeika i fjor manglar ved kvalitetsarbeidet til NLA Høgskulen. No har det offentlege organet sett seg nøgd med forbetringane dei har gjort. – Godt å vera i mål, seier rektor.
NØGD: – Det er veldig tilfredsstillande å få den beskjeden, seier rektor ved NLA Høgskolen, Sigbjørn Sødal, om den ferske konklusjonen om kvalitetsarbeidet ved utdanningsinstitusjonen.
Håvard Kroken Holme
27. oktober i fjor slo styret til Nokut (Nasjonalt organ for kvalitet i utdanninga) fast at NLA Høgskolen hadde manglar i sitt systematiske kvalitetsarbeid. Dei fekk frist til 1. juli i år for å rette opp.
No har Nokut vurdert arbeidet NLA har gjort sidan den gong, og førre veke blei det klart at dei set sitt godkjenningsstempel på det systematiske kvalitetsarbeidet til den kristne høgskulen.
– No er alle krava i lova og forskriftene oppfylte, seier Nokut-direktør Kristin Vinje om NLA på Nokut si nettside.
